今次同大家開箱嘅係「安全性行為五寶」。第一個post一於先嚟個overview，之後會逐樣同大家詳細介紹😎！
第一寶）安全套
呢樣相信唔使多介紹，係唔同形式嘅性接觸都可以用得著嘅好幫手。除咗可以避孕，仲可以預防性病傳播。市面上有唔同材質，唔同厚薄，唔同設計，唔同味道，總有有一款岩你用👌🏻！
第二寶）潤滑劑
雖然成日被忽略，潤滑劑其實係性事上都扮演好重要嘅一角！除咗可以令性交過程更流暢💦，亦可以減少摩擦，從而減少受傷同安全套破裂嘅機會😖。
第三寶）口交膜／指套
性行為唔一定係插入式，而口交都一樣有性病傳播風險。有時手指甲剪得唔好亦好容易係指交或者探肛過程中刮損身體，造成感染。呢啲時候口交膜同指套就派上用場啦！
第四寶）Consent 共識
當所有硬件都準備好，開始性行為前最緊要先同對方達成共識，確認雙方都同意接落嚟要進行嘅事。唔止係同意要發生咁簡單，用唔用套，都需要係開始前就達成共識💞！
第五寶）紙巾
唔好睇少紙巾呀，當你無係手嘅時候就會好頭痕。佢係除套個陣可以幫手減少分泌物飛到周圍都係，亦係清潔自己（同附近）嘅好幫手，都係必備佳品😈！
想知道以上五寶嘅詳細分享，記住留意之後嘅posts啦！
如果諗到其他必備品，歡迎係下面留言同大家分享啊👻～
Comments