《Stickypedia系列－安全性行為：第二寶》
「潤滑劑」平日就聽得多啦，不過唔講唔知，原來有D潤滑劑係會侵蝕安全套，令套套容易破裂😨😨！？唔洗咁擔心，只要學識分類，正確使用唔同性質嘅潤滑劑，除左可以增加性愛時嘅舒適感外，仲可以大大減低安全套破裂嘅機會！
今次就等Stickypedia同大家介紹下潤滑劑嘅分類，同埋有咩唔同特性啦～ 潤滑劑主要可以分為三種：水性潤滑劑、矽性潤滑劑、油性潤滑劑。
1. 水性 (Water-based)
👀容易乾 (因為大部分成分係水)，使用量會比矽性同油性多
👀可能含有甘油(Glycerin)，有機會影響陰道嘅ph值，造成細菌滋生、引發陰道炎
👀常見嘅牌子例如：KY
2. 油性 (Oil-based)
👀唔易揮發、超級滑，但相對地就最難清洗
👀唔可以和乳膠安全套一齊使用：因為會侵蝕乳膠，令安全套容易破裂
👀因為唔容易分解同容易引發陰道不適，所以唔建議係陰道交期間使用
👀例如：凡士林、BB油、hand cream
3. 矽性 (Silicone-based)
👀不含水分，唔容易揮發，不為人體所吸收，亦唔會對人體造成傷害
👀可以係水中使用
👀適合用於唔同形式嘅性交、唔同材質嘅安全套、同非矽膠性玩具
總括黎講，只有水性同埋矽性潤滑劑可以同乳膠安全套一齊使用，油性潤滑劑係「唔可以」架。市面上亦有賣水矽混合型嘅潤滑劑，可以將兩種嘅優點合併，質地水潤得嚟效果亦持久啲😎。上一集同大家提過其中一個導致安全套破裂嘅原因係潤滑度不足，磨擦大就容易爛😣。而0.01嘅套套因為係用PU物料去製造，彈性會比乳膠低，如果無足夠潤滑去輔助，就更容易係磨擦之下穿。下次大家係為性行為做準備嘅時候，記得因應自己嘅需要，選擇合適嘅潤滑劑啦💦💦～
性行為當然唔係淨係指插入式，其他形式嘅性接觸又可以點樣更安全呢😲？口交膜同指套就絕對幫到手啦，大家係咪已經等左好耐呢？我哋會係「第三寶－口交膜／指套」再同大家詳細介紹同解釋～ 敬請期待！
Comments