今日輪到介紹第二款Case：Stay Together！💓
非陰道交就唔需要用安全套？實情係其他性行為，包括係性小眾之間，都可以使用安全套架！以肛交為例，肛門內璧好脆弱好容易會破損，假如係過程中無戴安全套，精液中嘅性病病毒就有機會從破損嘅地方受到感染。另一方面，指交亦有機會因為手指甲縫中嘅細菌，或者被指甲刮損陰道內璧，而造成發炎或者感染！所以即使係LGBT+嘅朋友，進行任何形式嘅性行為都要記得使用安全套啦！
＊溫馨提示：口腔入面一樣存在大量黏膜，黏膜受損時性病病毒都可以透過口交傳播到。所以口交時記得都要使用安全套或者口交膜保護雙方啦～
今次嘅套套係來自Fair Squared Hong Kong嘅產品，除咗係德國製造，仲係經過純素認證(Vegan)同公平貿易(Fair Rubber)架！ —————————————————— 想睇實物？想要返個？嚟同讀節搵我地啦！❤
🌈第三屆《香港同讀文化節》資訊🌈 日期：29－31/3/2019 時間：15:00-21:00（29/3）、12:00-20:00（30/3及31/3） 地點：賽馬會創意藝術中心 JCCAC
今屆《同讀文化節》主題係「連繫」，希望透過文化節聯繫唔同人士一齊去關心同埋探討性／別議題。而我地糖不甩嘅攤位（22號），呼應大會主題，希望透過遊戲去幫助大家了解及釐清不同性觀念，同埋反思「性」嘅多元性，關心不同群體間嘅性健康！希望到時會見到大家啦！ https://www.facebook.com/…/a.21347161799…/2134716259908685/…
Comments