月經時肚痾，點解？

M 到嗰幾日，多數女仔都唔會覺得係好嘢。有時 M 到不特止, 仲帶埋其他麻煩嘢嚟搵你, 搞到你好唔舒服。今期為大家介紹一個比較尷尬嘅問題 —— 月經時腹瀉，呢個問題有冇曾經困擾過你哋呢?

現代醫學認為：導致上述問題出現，係由於腸胃系統受到荷爾蒙刺激同埋子宮內膜異位症中內膜細胞嘅影響，腸道蠕動增加因而腹瀉。目前並冇專門用藥，往往經期結束後就自然康復, 因此受困擾嘅女性都唔知道係一種病。糖不甩喺度要提醒下 M 痛特別勁嘅姊妹們，如果 M 到又有腹瀉情況，可以搵醫生檢查下有冇子宮內膜異位症。

中醫學認為：一般腸胃差或兼有情緒容易激動緊張嘅姊妹們比較容易有咁嘅問題出現，因為呢兩個問題都會令身體裡面嘅氣行得冇咁好，久而久之腸胃就唔健康。加上 M 到或飲食因素等影響，就更容易有經期腹瀉嘅問題出現。

以上都只係簡單介紹，想知多 D 可以嚟糖不甩問！

** 識揀, 一定問糖不甩! discuss.stickyricelove.com