保鮮紙除咗保護自己之外, 你仲想有咩可以保鮮?? 如果可以保鮮愛情, 你又點睇呢? 要維持依關係(包括拍拖、任何方式嘅異性或同性戀關係)並唔容易！以年期嚟分，頭2年係新鮮期，如膠似漆，都較易互相包容。關係嘅變化甚至分手，容易係第3至10年出現，大概係因為由激情轉化為感情，浪漫少咗，平凡、重複、瑣碎嘅事就好多。 好幾次處理婚姻問題個時，個Ｄ夫婦都投訴婚姻愈來愈平淡，愈來愈悶，見到宜家嘅另一半唔會好似以前咁肯花心思，之後就話佢對自己嘅感情變質。救命!!! 又成日遇到Ｄ男女覺得：「心思＝錢」，以為冇錢就好難製造驚喜...你會唔會都咁諗呢？ 其實，我覺得心思先係最重要！ 就算冇魚翅撈飯，都會因為一齊食Ｍ記而開心。 就算冇貴價甜品，你無啦啦係佢捱夜嘅日子買瑁紅豆沙比佢食已經好正。 就算冇外國入口嘅鮮花，收到ＢＢ親手畫嘅花花其實會仲開心。 依個世界，好多嘢，係錢買唔到伽！
原文：http://member.healthyd.com/space.php?uid=48&do=blog&id=44093 作者：性治療師陶芍伶